قصيدة .. سيبيني لوحدي لو ترضي .. للشاعر محمد سلامه

دفا صوتك وإحساسك ونورك لما بتهلي.

ودقات القلوب لما تكون زي بعض بالملّي.

ونستعجل عشان نلحق شروق الشمس وغروبها.

غريبة ان انتي بتقولي إيادييك تسيبني وانا اسيبها.

مناسبات كنتي حاضراها ..

هيجي معادها من تاني أعيشها ازّاي وانا لوحدي.

وذكراكي اللي سايباها ..

في مكان في القلب مش عارفٌه وعندك سرٌّه مش عندي.

 لو انتي تكوني مش ليا ..

هاعيش وانا عقلي مش فيا..

 سيبيني لوحدي لو ترضي...

أكمل عمري أنا مع مين تكون ليا وانا ليكي.

أبصلها أكون شايفك وتبقى النظرة لعينيكي.

ومين تقدر تخليني أموت واصحالها من تاني.

عشان تقدر ترجعني أعيش من غير ما اكون ليكي.

شوفيها من على حيادها ..

شوفيها بكل أبعادها بلاش تتحدي وتعاندي.

# محمد سلامه.

( سيبيني لوحدي لو ترضي)