علم ابنك
احترام الكل واجب
واحترام النفس فرض.
واعتذاره لما يغلط
برضو لازم يبقى بند.
حط دايماً في اعتباره
الحياة مش في انتظاره.
والسكك مش هيلاقيها
كلها مفروشة ورد.
قوله
ياابني اختار صحابك
أصلهم صفحة في كتابك
في بشر لو كان حسابك.
فاضي تبقى في عينه قرد.
في اللي عامل نفسه سالك
يا منجي من المهالك
في ضمير بيخوض معارك
في اللي نايم عنده برد.
قولّه من ضمن العجايب
ناس بتفرح في المصايب
اوعى تمسك حبل سايب
تلقى نفسك جاي أرض.
قوله لازم يبقى راجل
قوله ميأجلش عاجل
قوله يا ابني صون لسانك
قوله اوعى تخوض في عرض.
عرفه ان الدنيا فانية.
ولينا آخرة وفيها جرد.
# محمد سلامه
